Ekingune – Ekintzailetza Lanbide Heziketan

Ekintzailetza Lanbide Heziketan

Garatu dezagun ekintzailetzaren kultura

@ekingune

Ongi etorri Ekingunera, Euskal Autonomia Erkidegoko Lanbide Heziketako Ekintzaileen Komunitatera! Proiektu hau TKNIKA Lanbide Heziketari Aplikatutako Ikerketa eta Berrikuntza Zentroak eta ekintzailetzarekin konpromisoa duten sare publikoko zein pribatu-itunduetako Lanbide Heziketako Zentroek garatzen dute.

Berriak

Ikasenpresa programa hasiko da LH Euskadin

Hezkuntzan espiritu ekintzailea eta berrikuntza sustatzeko urrats garrantzitsu batean, LH Euskadik atsegin handiz iragarri du Ikasenpresa programaren hasiera. Proiektu honen inaugurazio eguna atzo izan zen, irakasleek parte hartu zuten bilera batekin. Ikasenpresa programa jarrera ekintzailea sustatzeko diseinatuta dago, bai irakasleengan, bai ikasleengan, ikasteko eta garatzeko aukera paregabeak eskainiz. Ekimen honek mundu errealaren erronkei aurre egiteko funtsezko trebetasunak dituzten ikasleak ahalduntzea du helburu, sormena, talde-lana eta pentsamendu kritikoa sustatuz. Datorren astean beste mugarri garrantzitsu bat ezarriko da, irakasle berriak Ikastraining I formakuntzan murgilduko baitira. Prestakuntza trinkoa da, hezitzaileei Ikasenpresaren ezarpena beren ikasgeletan gidatzeko beharrezko tresnak emateko diseinatua. Aukeraz eta erronkez betetako eskola-urtearen hasiera da hau. Ikasenpresa programak gure ikasleak arrakastaz beteriko etorkizunerako nola prestatuko dituen ikusteko irrikaz gaude. Hezkuntzaren etorkizuna abian da LH Euskadin!

EKINTZAILETZA TEKNOLOGIKOA 22-23

Hasi gara jada PROVIDER, GIPUZKOA EKIN eta ARABA EKINeko programekin, ikasleak ekintzailetza teknologikoan sentsibilizatzen saiatzen direnak. Hiru BICak (Business Innovation Center) izango ditugu bazkide abentura honetan eta gai anitzak izan ditugu: ziberseguritatea, blockchain, 3D inprimaketa, dronak… ikasleak programaren bigarren fasean lehiaketara aurkeztuko dituzten proiektuetan pentsatzen hastea espero dugu

Ekintzailetzan murgilduz

EKITEKO ASMOA BADUZU, ETORRI TKNIKAK ANTOLATUTAKO LEHEN EKINTZAILETZA-MURGILALDIRA! Badira urte batzuk Tknikatik ekintzailetza lantzen dela, kultura ekintzailea Ikasenpresa programaren bitartez eta ekimen ekintzailea Urratsbat programaren bitartez. Ekintzaile asko igarotzen dira gure Lanbide Heziketako ikastetxeetatik, eta beraz, badugu harrobi ona aurrera pausuak emateko. Hau dela eta, ideia-lehiaketa baterako deia egiteko unea iritsi dela uste dugu. Lehiaketa honetara, 3 edo 4 partaideko taldeak parte hartu ahalko dute. Aukera bikaina da Ikasenpresa ideiarekin jarraitzeko asmoa dutenentzat edo Urratsbat-ean parte hartzen ari diren ikasle edo ikasle ohientzat. Oro har, Lanbide Heziketarekin erlazioa duten edo izan duteneri eta negozio ideia on batekin aurkeztu nahi dutenei zuzenduta dago. Negozio-ideiek gai hauekin zerikusia izan beharko dute: Gastronomiaren etorkizuna Ekimen teknologikoa Etorkizuneko zerbitzuak Silver Economy Jasangarritasuna Parte-hartzaileek Maiatzaren 6a baino lehen bete beharko dute formulario hau. Ekintzailetzarekin lotutako eragileek eta enpresaburuek osatutako epaimahai batek 12 interesgarrienak hautatuko dituzte ekintzailetzan murgiltzeko Topaketa honetan parte har dezaten. Topaketa horretan, adituek lagunduta, horietan sakontzen jarraitu ahal izango dute, komunikazioa landu aurkezpen eraginkorra prestatzeko eta taldea sustatzeko jarduerak egin ahal izateko. EGITARAUA: Ostirala ekainak 3: 9:00etan Topaketa Zarauzko aterpetxean 9:30etatik 11:30etara NEGOZIO IDEIAN SAKONDU "Adituak" 12:00etatik 13:30etara Talde jarduerak 13:30etatik 15:00etara Argiñano ostalaritza-eskolan bazkaria 16:00etatik 18:30etara Komunikatu emozioaz 18:30etatik 20:00etara Jolas jarduera[...]

IKASENPRESA SARIAK 2021-22

Tknika Euskadiko LHko Ikerketa Aplikatuko Zentroak Ikasenpresa negozio ideien lehiaketa deitu du. Lehiaketa honen helburua ikasleen ekimen ekintzailea, lankidetza, balioak eta talentuaren garapena sustatzea eta negozio-aukera onak izan daitezkeen ekimenak antzematea da. Edizio honetan aurreko ikastaroen formatua aldatu da eta ikasturtean zehar 3 fasetan banatu da; horrela, aurkeztutako proiektuen kalitatea hobetzen da eta parte-hartzaileengan interes handiagoa sortzen da. Lehenengo fasea azaroan abiarazi zen, eta dagoeneko badugu epaimahaiaren erabakiaren emaitza I. FASEA. NEGOZIO-IDEIA FINALISTAK PRODUKTUA MICROLAB CIFP ELORRIETA ERREKAMARI LHII CUADERNOS PARA MAYORES CIFP EMILIO CAMPUZANO LHII MUN JR CPES OTXARKOAGA LHIP POCKET NFS CPES SAN JOSÉ MARISTAK LHIP ZERBITZUA MARKETING SOLIDARIOA CPES HARROBI LHIP JOLAS TOUR IES ZUBIRI MANTEO BHI ZU ZEU CIFP IZARRAITZ LHII WOHO 360 CPES CEINPRO LHIP IRABAZLEAK: PRODUKTUA: Kasu honetan berdinketa egon da eta bi proiektuak saritzea erabaki da: MICROLAB DE CIFP ELORRIETA ERREKAMARI LHII Negozio ideia: Proiektua ingurumen-erabilerarako mikroorganismoak lantzean (biorremediazioa) eta ondoren merkaturatzean datza. Laborategian hainbat mikroorganismo haztea eta, ondoren, hainbat ingurumen-erabileratarako erabiltzea (lurzoruak deskontaminatzea, ura deskontaminatzea). Gure produktua ingurumen-enpresei, erakunde publikoei eta urak edo lurzoruak deskontaminatzeko beharra duten autonomoei zuzenduta dago. Ekarritako onurak: Denbora aurreztea. Kutsadura gutxitzen laguntzea (plastikoak, hidrokarburoak Uren garbiketa (itsasoa, ibaiak). Hiri-hondakinak POCKET NFS CPES SAN JOSÉ MARISTAK LHIP Negopzio ideia: Magic[...]

IKASLEEN IDEIA ETA PROIEKTUAK, IKASENPRESA AZOKAN PROTAGONISTAK ON BOSKO EGUNEAN URNIETAKO SALESTAR IKASTETXEAN

ikas komunitatearentzat hain garrantzitsua den egun hau ikaslegoari protagonismoa emanez ospatu nahi izan dugu, beti ere segurtasun neurri guztiak bermatuz. Horregatik, euren ideia eta proiektuak aurkezteko Ikasenpresa azoka bat antolatu dugu. Ideiak hauek Ikasenpresa moduloan sortuak eta ekoiztuak izan dira. Iraila hasieratik merkatuko beharrak aztertzen egon dira eta konponbide berritzaileak asmatu dituzte bigarren mailetako Lanbide Heziketako ikasleek. Era guztietako ikasenpresak aurkeztu dituzte ikasenpresa azokan, esaterako, gurpil aulkiak, biki digitalak, nekazaritzarako segurtasun neurriak, musukoentzako konponbide berritzaileak eta linoleoak. Ikasenpresa bakoitzak bere Stand-a izan du eta bi orduz egon dira DBH, Batxilergo eta Lanbide Heziketa-ko beste ikaslegoari aurkezten. Oso giro ederra sortu da jolastokian eta sormena eta ideia berritzaileak ikusteko aukera izan dugu guztiontzat atsegina izan den egun honetan.

ELIZARAN IKASTETXEA AZOKA PRESTATZEN

Elizaran Ikastetxeko Administrazioko Erdi Mailako 2. mailako ikasenpresak Ikasenpresa Azokarako azken prestakuntzak egiten ari dira. Oraingoan, erakusketa online egingo da. Ikasenpresa bakoitzak, standa diseinatu ondoren, kideen artean egin beharreko lanak banatu ditu, guztien artean garaiz buka dadin eta ezer falta ez dadin, inpresioak, altzariak, liburuxkak, etab. Xehetasun bakoitzak garrantzia du eta hori badakite ikasleek

Bilboko Arce Ikastetxeko Lanbide Heziketako 30 ikaslek lehen ekintzailetza azoka antolatu dute

Ekimen hau Eusko Jaurlaritzaren Hezkuntza Sailak Tknikaren bitartez kudeatzen duen Ikasenpresa programaren baitan sortu da eta Arce ikastetxeak 2016 geroztik parte hartzen du. Kurtso hasieratik hona, sei ikasle taldek enpresa txiki bana sortu dute eta horretarako, errealitatean erakunde bat sortzeko jarraitu behar diren urratsak eman dituzte Nazioarteo izurritea dela eta aurten Tknikak ez du Ikasenpresa Azokarik antolatuko Eibarren (Gipuzkoa). Hortaz, Arce Ikastetxeak bere sarrera nagusiko erakusleihoa egokitu du Estetika Integrala eta Ongizatea Goi-Mailako ikasleek prestatutako produktuak eskaintzeko. Ikasturte honetan sei ikasle taldek enpresa desberdinak sortu dituzte eta hasiera honetan euren produktuetako batzuk salgai jarri dituzte. %100 naturalak eta jasangarriak diren kosmetikoak dira eta animaliengan testatu gabe, euren osagai nagusiak, besteak beste, olio esentzialak, kafea edo karite koipea dira. Enpresa bakoitzak produktu desberdin bat ekoitzi du, hala nola, aurpegiko kremak, gorputz lozioak, begi-zuloetarako tratamenduak, esfoliatzaileak, e.a. Ekimen hau ikastetxeko Bilboko Alde Zaharreko ikasleek sortutakoa izan da. Goi-Mailako Lanbide Heziketa bigarren mailako ikasleak dira, Estetika Integrala eta Ongizatea ikasten dihardute eta ekintzaile azoka txiki bat antolatu dute Ikasenpresa hezkuntza proiektua bukatzeko. Programa hau Eusko Jaurlaritzaren Hezkuntza Sailak kudeatzen du eta aurten, pandemiaren ondorioz sortutako eszenatoki berrira egokitu da. 2021eko otsailaren 1etik aurrera eta produktuak amaitu artean, Arceko (Andra Mari kalea, 16) sarrera[...]

BIZKAIKO ERAIKUNTZAKO LHII-KO IKASLEEK IKASENPRESA SORTU DUTE, KAMERA TERMOGRAFIKOEN BERRIKUNTZAN OINARRITUA, ENPRESA-SIMULAZIOKO PROIEKTUETARAKO LAGUNTZARI ESKER

Baskeraikin S. Coop. Bizkaiko Eraikuntzako LHIiko Antolaketa eta Obren Kontroleko goi-mailako ikasle talde batek sortutako enpresa-simulazioa da. Kamera termografikoen teknologia erabiliko lukete, Tknikak eskaintzen dituen enpresa-simulazioko proiektuetarako laguntzei esker eskuratu dutena bezalakoa. Termografian oinarritutako teknika ez-inbaditzaileak dituzten eraikinetako patologien diagnostikoan datza ideia. Eraikinen egoera gainbegiratzeko eta diagnostikatzeko modu bat da tenperatura-diferentzia hautematen duen teknologia erabiltzea eraikinak ikuskatzeko. Kamera termografikoei esker, eraikuntzako profesionalek azkar eta erraz detekta ditzakete isolamendu-akatsak eta antzeko beste patologia batzuk, eta mantentze-lan egokiak egiteko diagnostikoa egin dezakete. Obrarik egin beharrik gabe, pikatu gabe, hormigoia jaso gabe, etab. Baskeraikin S. Coop. zerbitzu berritzaile eta ez-inbaditzaile hori edozein eraikin-motari eskaini nahi dio (obra berria, bizilagun-komunitateak, berrikuntzetan espezializatutako enpresak, arkitektura-estudioak...), ziur baikaude etorkizuna teknologia horietan dagoela, eta, horiei esker, berrikuntzak egin ahal izango direla jasangarritasunaren eta kostuak aurreztearen arabera.

Ikasenpresak zilarra jaso du WCFPren bikaintasun sarietan

Joan den ostiralean, azaroak 27, Lanbide Heziketako Ikastexeen Munduko Federazioak (WFCP) zeremonia birtual bat antolatu zuen bikaintasunaren laugarren saria aurkezteko, hezkuntza eta Lanbide Heziketa eta prestakuntza teknikoaren arloko liderrak ezagutzeko. WFCP Lanbide Heziketako Zentroen eta Elkarteen Nazioarteko Sarea da, eta prestakuntza politikak gidatzea eta ekonomia globalaren testuinguruan jarduera-ildoak ematea du helburu.Kideek abangoardiako prestakuntza estrategiak eta praktika onak partekatzen dituzte, mundu osoko herrialdeetan langileen nahiz ikasleen enpleagarritasuna hobetzeko. Ikasenpresa programa Ekintzailetza kategorian nabarmendu da eta zilarrezko bigarren saria lortu du.Ikasenpresaz gain, Ethazik beste zilar bat ere jaso zuen Ikaskuntzarako eta Enplegurako Sarbidea kategorian, eta Don Boscok, berriz, goi-mailako gaitasun teknikoetan brontzezko domina lortu zuen; beraz, Zorionak Euskadiko Lanbide Heziketari eta Tknikari.

MEKA Lanbide Eskolan EKINTZAILETZA JASANGARRIA sustatuz

LPO Mintegian “Enpresa eta Ekimen Sortzailea” moduluari ikutu jasangarri bat emateko asmoz EKONOMIA ZIRKULARRA kontzeptuan sakontzen jarraitzen dugu. Prozesu honetan zehar gure egungo eta etorkizuneko gizartean prozesu ekonomiko honek daukan garrantziaz jabetu ondoren, gure ikasgeletan sortuko diren negozio ideia guztiei baldintza bakarra gehitu diegu: JASANGARRIAK izan behar dute. LPO Mintegiak Agenda 2030arekin daukan konpromezua tinkotzea bilatzen da, beste produkzio mota jasangarriagoak sustatzeko asmoz. Etorkizuna gure eskuetan dago! MEKA Ekintzailetza JASANGARRIAREKIN! https://ekingune.tknika.eus/wp-content/uploads/sites/30/2020/10/eus-ekonomia-zirkularra.mp4

Ikasenpresa abian da

FP Euskadi Ikaskuntza ereduak bere eremu metodologikoan hainbat lan lerro azpimarratzen ditu, hauetatik, bat Kultura Ekintzailea delarik ikasenpresa programan oinarrituta. Hau kontutan hartuta eta gaur egun gure gizarteak bizi duen egoera kontutan hartuta, Ikasenpresa modulua ezinbestekoa izango da gaur egungo marko ekonomikoak eskatzen dituen lan egoera berriari aurre egiteko. Dagoeneko Ikasenpresa programa abian da eta lehenengo ikasenpresak sortu dira 2020-2021 ikasturtean. Guztira 80 ikastetxek, 6000 ikaslek eta 230 irakaslek parte hartzen dute. Ikasenpresa egunerokotasun handia duen ikasgaia da, ekintzailetasunak gure gizartean duen pisua dela eta. Ekintzailetzak garrantzi handia du gaur egungo gizartean, bere baitan biltzen baitu sormena, ekimena, lidergotza, motibazioa… Gaur egungo egoera ekonomikoan garrantzitsua da biharko profesionalak zentzu honetan heztea, etorkizunean norberaren kontura lan egiteko gai diren profesionalei beharrezkoak diren tresnak eskaintzea. https://youtu.be/EXUxU5tJGPI

Tknikako Ekintzailetasuna Sariak XIV. Edizioa

Egindako lanaren itxiera suposatzen du ikasturte amaierak eta baita ere igarotako beste urte baten ospakizuna, ikaspenak eta aurrerapenez beteta. Orain dela 14 ikasturte Tknikako Ekintzailetasuna Sariak, norabide horretan ilusioz eta energiaz Tknikatik eta LH Euskadiko zentru desberdinetatik lan egiten dugunon topagunea bihurtu dira. COVID-19ak sortutako osasun larrialdi egoerak ez du Ekintzailetasun Sarien XIV Edizoaren ebentua normaltasunez ospatzen baimendu baina lerro hauetatik Ikasenpresa eta Urratsbat programetan lan egin duten persona guztiak eta sarietan parte hartu duten guztioi zoriondu nahi diegu, bereziki sarituak izan diren Ikasenpresak eta Urratsbat Empresei. Hauek dira aurtengo edizioaren Ikasenpresa irabazleak: Negozio ideia: Womens World, IES ZUBIRI-MANTEO BHI -tik Merkatu ikerketa eta Marketing Mix-a: Rezideko, CIFP CONSTRUCCIÓN BIZKAIA LHII-tik Inpaktu soziala, merkaturatze eta zabalkunde kanpaina: ForPet, CPES SAN JOSE DE CALASANZ BHIP-tik Salmenta-puntua eta merchandising-a: Desaiña, ARCE ZENTRU-tik Etorkizun handiko negozio ideia: Argi Play, CIFP EMILIO CAMPUZANO LHII -tik Ekintzailetza soziala : Talleres sin Fronteras, CPES SAN VIATOR BHIP-tik Saritutako Urratsbat Enpreseei dagokionez, aurten berriro ere la Caixa Fundazioaren Kolaborazioa izaten jarraitzen dugu eta aurkeztutako 19 enpresetatik, hauek dira irabazleak: 2020 Urratsbat Saria Arlo teknologikoko enpresarik onenarentzat, 2,500€-ko saria LURPE NATURAL SOLUTIONS, IES Derio Nekazaritza Eskola BHI-tik, Fundación La Caixa 2020 Urratsbat Saria[...]