Noticias

EKINTZAILETZA MUGIKORTASUNA GREZIAN

Aurten zortzi Lanbide Heziketako irakasle, Leire Zuberorekin batera (Tknikako URRATSBAT programaren dinamizatzailea)  Grezia bisitatzeko aukera izan dugu bertan aste oso bat igarotzen. Oso mugikortasun probetxagarria izan da. Besteak beste, lanbide heziketako zentru publiko bat eta beste pribatu bat, enpresen azeleratzaile bat ( The Cube) eta start-upak bultzatzen dituen agentzia bat (π Consulting) bisitatu dugu. Horrez gain, ekintzaile gazte batzuekin hitz egiteko aukera izan dugu baita hango parke teknologikoa bisitatu ere (Patras Science Park). Herrialdea apur bat ezagutzeko aukera izan dugu baita ere, Atenasen Akropolisa bisitatu dugu baita Delfoseko Apolos tenploa eta orakuloa ere. Benetan interesgarria, aurtengo bidaia!! Zenbat ikusi eta ikasi dugun!

Leer más

VIII. Ikasenpresa Azoka

Joan den otsailaren 14ean VIII. Ikasenpresa ospatu zen Eibarren. BIDEOA FP Euskadi osatzen duten 2000 ikasle inguru elkartu ziren bertan, guztira 81 Lanbide Heziketa ikastetxe eta Ikasenpresan landu diren 890 proiektuetatik, 376 aurkeztu ziren. Goizeko lehen orduetatik, 50 autobusetan gure ikasleak iristen hasi ziren. Udaltzainek modu egoki batean antolatu zuten ikasleen etorrera eta ez zen inongo arazorik egon herriko sartu irteeretan. Pixkanaka salmenta postuak itxura hartzen hasi ziren, programan landu dituzten produktu eta zerbitzuak, ideia desberdinak eta mota askotarikoak ikus zitezkeen bertan. Horrela, behar izan bereziak dituztenentzat zuzendutako aplikazio informatikoak, industria alorreko proiektuak, ile apaindegiak, estetika zentroak, ostalaritza, turismoa, proiektu jasangarriak eta modu honetako hainbat ideia plazaratu ziren. Salmenta puntua ilusio handiz landu zuten ikasleei gure esker beroenak helarazi nahi dizkiegu. Era berean, ekintza hau beste urte betez aurrera ateratzea ahalbidetu duen irakasle taldea zoriondu nahi dugu. Eta nola ez, Eibarreko udala eta bertako langileak, beste behin beraien herria gure ikasleentzat prest izateagatik eta azpiegituren erabilpena errazteagatik. Zorionak eta mila esker denoi!

Leer más

URRATSBAT ETA OBRA SOCIAL LA CAIXA, BIKOTE BIKAINA!!!!

Laugarren urtez, Obra Social La Caixak,  Tknikak eta Ikaslanek kolaborazio hitzarmena sinatu dute. Akordio honi esker, URRATSBAT 97 enpresek 1.000€ bana kobratu dute Abenduan.Zorionak  guztioi, enpresa bat sortzea ez da batere erreza eta izan ahal duzuen laguntza guztiak ongi etorriak izango dira. Aurten ospatuko ditugun Ekintzailetza Sariak XIII. edizioan berriro ere, Obra Social La Caixak parte hartuko du. Lehiaketa honetan aurkezten dira joan zen ikasturtean  enpresa bat sortu zenuten  ekintzaile asko eta bere enpresa planari buruz hitz egiten dute tribunal baten aurrean. Epaileak zentru ezberdinetako irakasleak eta ekintzailetza erakunde agente batzuk osatzen dute. Beraz, animatzen zaituztegu guztiei parte hartzera. Esperientzia aberasgarria izango da eta sari oparoak banatuko dira. Laster izango duzue lehiaketa honi buruzko  informazio gehiago zuen URRTASBAT  dinamizatzaileen bidez baita @Ekingune twitterrean ere. Argazkia la Caixa Dirulaguntza

Leer más