Kardala LHII - Sensibilizazioa - 22/23

Ekintzailetasuna sustatu. Lehen eta laugarren helburuei lotua. Euskal Lanbide Heziketak Ekintzailetasunari aitortzen dion garrantziaz gain, Akuakultura sektorearen garapen eskasak Urrats Bat eta antzerako ekimenen beharra areagotzen du. Ikastetxearen ildo garrantzitsua da ekintzailetasuna, baina hau modu egokian garatzeko ezinbestekoak ditugu horretara egokitutako espazioak. Helburua espazioak egokitu eta bi urtean behin ekintzailetza proiektu bat laguntzea izango da, bai Urrats Bat egitasmoaren bitartez, bai beste bideren bat erabilita. Kardala LHIIren plan estrategikoan eta urteko planean azaltzen diren helburuak eta ekintzak lau arlo hauetan laburbiltzen dira:

• Ekintzailetza plana ezagutarazi/gogorarazi klaustrokideei: Ikasturteko lehenengo klaustroan klaustrokideei azaltzen zaie ekintzailetzaren inguruan. Bertan helburuak, lan ildoak eta aurreko urtean eginiko lana azaldu eta emaitzak azaltzen dira.
• Ekintzailetza ezagutarazi ikasle eta ikasle ohiei: Urtero ekintzailetzaren inguruan hainbat hitzaldi ematen zaizkie ikasleei ekintzailetzaz arduratzen den taldearen eskutik. Sentsibilizazio saio hauek bi ataletan banatzen dira: alde batetik Urratsbaten funtzionamenduari buruz (urte hasieran bat eta eta ikasturte erdialdean beste bat). Beste alde batetik, bestetik ekintzaile ezberdinen esperientziak azaldtzeko hitzaldiak antolatzen dira (hiru/lau ekintzaile etortzen dira urtean zehar beraien esperientziak azaltzeko).
• Ekintzailetza txertatu eskolako egunerokotasunean (proiektuetan, etab): Urtean zehar eskualdeko garapen agentziatik eskolara etortzen ohi dira akintzailetzaren inguruan egiten duten lana ikasleei aurkeztera. Formakuntza, diru-laguntzak eta beste hainbat gai lantzeko ikasleekin. Horrez gain, ekintzailetzarako baliogarriak izan daitezkeen konpetentziak lantzeko (zeharkakoak batez ere) tailerrak antolatzen dira. Bigarren mailan EES, beste ikasgai batzuekin elkarlanean ekintzailetza proiektu ezberdinak lantzen dira. Ikasleek proposatutako ekintzaile proiektu zehatzak garatzen dira eta oso balorazio positiboa izaten dute.
• Ekintzailetza proiektuei babesa eta aholkularitza zerbitzua eman: Ekintzailetza proiektu batean murgiltzen diren ikasle/ikasle ohiek eskolaren babesa izaten dute. Alde batetik baliabide fisikoen bitartez (lan praktikoa aurrera eramateko gunea eta bestetik bulego lanak egiteko espazioa). eta bestetik eskolako irakasle ezberdinen aholkularitza eta akonpainamendua.